«Күз береке, күз мереке!»

«Күз береке, күз мереке»

Тәрбиеші: Армысыздар  құрметті ата-аналар, қадірлі қонақтар! Бүгін біз жыл мезгіліндегі ең тамаша «Күз береке-күз мереке» атты ертеңгілімізге қош келдіңіздер.

             Олай болса,
            Мерекесі халықтың
            Алтын күзді бастайық
            Алтын күзге арналған
            Ертеңгілігімізді бастайық.

Ендеше Бүлдіршіндеріміздің әнің қабыл алыңыздар.

Ән: «Алтын Күз»

Осы кезде ішке сары киім киген түрлі-түсті жапырақтар тағынған алтын күз келеді (Әсем әуен ойналады).
Алтын күз: Сәлеметсіздер ме, балалар!
Сәлеметсіздер ме, қонақтар!
Мен – Алтын күзбін!

Жайдары, жарқын жүзбін. 
Қонаққа келдім сендерге.

Сәбіз, картоп, тәтті алма! 
Оған достым таң қалма!

Жапырақ та сиқырлы, 
Ойын ойнар түр-түрлі! 

Тәрбиеші: Рахмет, саған Алтын күз!

                     Қабыл алдық сыйды біз!

                     Жайғасып отырыңыз!

Тәрбиеші: Алтын Күз біздің балалардың сізге арнаған өлең, тақпақтары,шағын көріністері бар екен. Бізбен бірге тамашалайсыз ба?

Алтын күз: Иа, Әрине

Тәрбиеші: Ал олай болса кішкентай бүлдіршіндеріміздің сізге арнаған тақпақтарын тыңдайық.

Айсұлтан: Қарашы күз келді, күз келді
Жапырақ жауыпты іздерді.
Құс біткен керуен тізеді,
Қара бұлт қабағын түйеді.

Айару: Құстар қайтты ән салып,
Бұлт шарлады аспанды,
Қыс келеді жар салып
Күзгі суық басталды

Ернұр: Жапырақ ұшты,
Суық та түсті.
Сонда да бізге,
Қызық көп күзде

Алдияр:

Алтын күз: Жарайсыңдар, балалар! Өте керемет.

Тәрбиеші: Алтын Күз біздің балалар биде билей алады. Канекей тамашалайық ендеше

Би: «Робот».

Алтын Күз: Өте керемет, жарайсыңдар. Өнерлі екенсіңдер.

Тәрбиеші: Иа, біздің балалр өте өнерлі. Ән де, тақпақ та, би де билейді. Тіпті ертегіде ойнап бере алады.

Ертегі: «Бауырсақ»

Кейіпкерлер: Айсұлтан –ата,

Жасмин –апа,

Әмір – бауырсақ,

Асылым – қоян,

Тимофей – қасқыр,

Әбілқайыр – аю,

Айару – түлкі.

Алтын Күз: Ой ,қандай тамаша, кішкентай болсада өте өнерлі екенсіңдер. маған ұнады.

Тәрбиеші: Келесі кезекте балалардың тақпақтарын тамашалайық.

Тақпақ:

Асылым: Келді міне күз,
Айнала сары түс.
Керемет, тамаша,
Қандай әсем күз.

Ж.Айсұлтан: Алтын, сары, қызыл, көк,
                          Алуан – алуан жапырақ.

Әмір: Ән салыңдар күліңдер
Жайнап гүлдей жүріңдер.
Күздің тойын тойлайық
Би билейік, ойнайық.

Алтын Күз: Керемет, өте тамаша. Балалар менің сендермен бірге ойын ойнағым келіп тұр.

Ойын: «Жапырақтар»

Тақпақ:

Тимофей: Бүгін мейрам, бүгін той

Қуаныш күн, біліп қой

Күзгі бақта сыңғырлап

Алақанды ұрып қой

Жасмин: Самал қозғап қалғанда,
Үзіледі сары алма.
Шолып едім бақшаны,
Қауын біткен сап – сары

Нұрхан: Астық дала сәулеті,

Астық отан дәулеті.

Біздің дала бай дала,

Алтын астық айнала.

Әбілқайыр: Алақай! Алақай!
Шаттанды балақай!
Күз түсті, дән пісті.
Айтамыз алғысты

Тәрбиеші:  Күз түсті, дән пісті.
Айтамыз алғысты, - демекші Алтын Күз сізге айтар алғысымыз көп. 

Алтын Күз: Сіздерге де рахмет. Көрсеткен өнерлеріңізге, сый-құрметтеріңізге көп рахмет. Енді, менің басқа балалардың өнерлерің тамашалауым керек. Сол себепті басқа балабақшаға баратын уақытым келді. Кездескенше сау болыңдар.

Тәрбиеші: Балалар, Алтын күзге рахмет айтайық! Келесі кездескенше аманшылық болсын! (Балалар Алтын күзбен қоштасады. Музыка ойнап, Алтын күз шығып кетеді).

Тәрбиеші: Ендеше бүгінгі ертеңгілігімізді кермет әуенмен аяқтауға рұқсат етіңіздер.

Ән: «Күн суытты далада»

Тәрбиеші:

-Құрметті ата-аналар, қонақтар,  бүгінгі ертеңгілігімізді аяқтай отырып,күз берекелі, астықты болсын демекпіз.

«Берекелі бақ дәулет,

Арта түссін тойланып.

Сау болыңдар қонақтар,

Келгенше жыл айналып».