Сабақ "Менің отбасым"

Тақырыбы: «Менің

отбасым»

Білім беру саласы:

Коммуникация

Бөлімі: Көркем

әдебиет

Мақсаты:

Білімділік:

балаларды өзінің отбасылары,сүйіктілері,олардың мейірімі мен жанашырлығы туралы

әңгімелеуге талаптандыру;

Дамытушылық: отбасы бұл бірге тұратын,бірін-бірі сүйетін,бір-біріне

қамқор болатын адамдар деген түсінікті қалыптастыру;

Тәрбиелік: өзінің отбасы үшін мақтаныш сезімін тәрбиелеу.

Билингвистикалық компоненттер:

Отбасы – семья, ата-дедушка, әже-бабушка, әке-папа, ана-мама.

Қажетті құрал-жабдықтар:

«Отбасы», алма суреттері, ағаш макеті, түрлі-түсті бояулар, альбом.

Шаттық

шеңбері: 

Бір үйдеміз нешеуміз?

Кел санайық, екеуміз

Бас бармағым - әкем,

Балан

үйрек - анам,

Ортан

терек - ағам

Шылдыр

шүмек - мен

Кішкене

бөбек - сен

Бір

үйде біз нешеуміз?

Бір

үйде біз бесеуміз.

-

Балалар, қараңдаршы, мен бүгін сендерге қандай сурет әкелдім. (суретті көрсету)

- Бұл суретті қалай атаймыз? (Отбасы) - Отбасында неше адам? (оларды

ата). - Олардың әрқайсысы туралы айтыңдар (қайда жұмыс істейді, оқиды, бос

уақытында немен айналысады).

- Сенің отбасың барлығы жиналғанда не істегенді ұнатады?

- Отбасында кімді жақсы көресің?

- Отбасында кімге сыйлық жасайсың?

- Анаңа қалай көмектесесің?

- Үйге қонақ келгенді ұнатасың ба?

- Дастархан басында өзіңді қалай ұстайсың?

- Үйдегі ініңе, қарындасыңа қалай көмектесесің?

- Жарайсыңдар, балалар, өте жақсы.

Кімнің маған сұрағы бар? (балалар сұрағына жауап береді) - Ал сендер жұмбақ

шешкенді жақсы көресіңдер ме? (балалардың жауабы)

-Қазір мен сендерге жұмбақ жасырамын, ал сендер кім

туралы айтылғанын табыңдар.

Жұмбақ:

1.Ол өте мейірімді, ақ шашты, көзінің айналасында ұсақ әжімдері бар, сендерге

жылы қолғап тоқиды, ұйықтар алдында ертегі айтып береді. 

-Бұл кім? (әже)

- Ал сендердің әжелерің не істей алады? (балалардың жауаптары, тәрбиеші толық

жауап беруін талап етеді )

2.Ол көзілдірік киеді, көп кітаптар оқиды, көптеген қызықты тарихи оқиғаларды

біледі. Ол

әжеге көмектеседі, немерелеріне таттілер алып береді.

- Кім бұл? (ата)

Ол сен үшін ең қымбат адам.Үнемі үй тірлігімен айналысады, - Бұл жұмбақ кім туралы? (ана туралы)

-Сендер өздеріңнің аналарыңды қандай мейірімді сөзбен атайсыңдар? (Анашым,

анатайым).

-Аналарың сендерді қалай еркелетеді? (балалардың жауаптары)

- Және соңғы жұмбақ..

Ол салмақты да, байсалды, барлық бос уақытын сендермен өткізеді: сендерді

циркке апарады, демалыс кезінде барлық отбасын табиғатқа алып шығады.

-Бұл кім? (әке)

-Дұрыс - Ал сендердің әкелерің қандай? (күшті, батыл, мықты,...) 

-Бәрекелді,балалар жұмбақтарды дұрыс шештіңдер. Сендер ақылды,білімді балалар болып өсіп келе жатыр

екенсіңдер балалар,жарайсыңдар.

Қане,балалар шаршаған шығарсыңдар бір сергіп алайық.

Сергіту

сәті:

Алма баққа барайық,

Алма теріп алайық

Ең үлкен алманы,

Анамызға сыйлайық, - жарайсыңдар!

Балалар сендер білесіңдер ме? - Мынау қандай ағаш? (алма ағашы)

- Дұрыс айтасыңдар, балалар.  Балалар біз алма ағашына су құймасақ,оған

қарамасақ дұрыс өспейді. Сол сияқты отбасына да қамқорлық, мейірім, жылулық

қажет. Сонда ғана отбасымыз мәңгіге сақталады.

- Қане, балалар отбасы мүшелерінің суреттерін ілейікші.

- Жарайсыңдар балалар.

Енді ойын ойнап бір сергіп алайық «Кім жоқ» - дидактикалық ойын: Тақтада

отбасы мүшелерінің суреттері ілулі тұрады. Балалар көздерін жұмады. Тәрбиеші

тақтадағы бір отбасы мүшесінің суретін алып тастайды. Балалар көздерін ашып, мұқият

қарап шығып ,кімнің суреті жоқ екенін айтады.

-Жарайсыңдар балалар,есте сақтау қабілеттерің өте жақсы

дамыған екен. 

Балалар отбасы туралы тақпақ білесіңдер ме?(иә)

-Қане,айтайықшы:

Асқар: Анам кетсе жұмысқа,

             Анашымды сағынам.

             Құлағына сыбырлап,

     Анама арнап ән салам.

Дария: Ақ анашым, аппағым,

             Өзің жайлы тақпағым.

             Өзің жайлы әнім де,

             Арнадым саған бәрін де.

-Жарайсыңдар, балалар! Ата-әжелеріңді, әке-аналарыңды

жақсы көретіндеріңді білдірдіңдер.

Жылулық

шеңбері: Енді, балалар, осы

отбасы мүшелеріне әрқайсымыз жақсы тілектерімізді айтайықшы: 1.Тату болайық

2.Бір-бірімізді ренжітпейік. 3.Бақытты болайық.  4.Ата-анамыз қасымызда болсын. 5.Отбасымызда

бірлік болсын.

Балалар, айтыңдаршы отбасыларына  сыйлық жасағыларын келеді ме?(Иә) Онда

бәріміз отбасы суретін салайық (Балалар сурет салады)

Күтілетін

нәтиже:

Білу

керек: Ата,әже,әке,ана-отбасы

тірегі. Оларды сыйлау керек.

Түсінуге

тиіс: Ата,әже,әке,ана,ұл,қыз-бәрін

отбасы дейміз. 

Істей

білу керек: Біздің

кішкентай жүрегіміз бәрін жақсы көреді